– साझेदारहरुको बीचमा भएको कबुलियत र दफा ३२ को अधीनमा रही बिघटन भएका फर्मको हिसाब फछ्यौट गर्दा देहाय बमोजिम गर्नुपर्छ – (क) फर्मको हितमा बाधा नपर्ने गरी फर्मको जायज्येथाको नगदमा परिणत गर्ने, (ख) पूँजी घटेको समेतको नोक्सानी सबभन्दा पहिले मुनाफाबाट र त्यसबाट नपुगे पूँजीबाट र त्यसबाट पनि नपुगे प्रत्येक साझेदारका घर घरानाबाट भर्ना  गर्नुपर्छ । (ग) पूँजीको कमी भर्ना गर्न लगायत फर्मको ज्येथा देहायका क्रम र तरीकाबाट उपयोग गर्नुपर्छ ः (१) फर्मले उनाउ व्यक्तिहरुलाई तिर्नपर्ने ऋण, (२) पूँजी बाहेकको साझेदारले दिएका थप कर्जाको दामासाहीले, (३) साझेदारले बुझाएका पूँजीको दामासाही, र (४) शेष बाँकी ज्येथाबाट साझेदारहरुको भाग हिस्साबमोजिम मुनाफा बाँड्नमा ।